Inspektorati Policor i Kosovës po shqyrton procedurën e Komisionit Disiplinor të Policisë për katër zyrtarë të Stacionit Policor në Lipjan, pas vrasjes së Hamide Magashit.
Hetimi paraprak për veprimet policore ndaj Sokol Halilit nisi sipas detyrës zyrtare në dhjetor 2022. IPK-ja tha se ai lidhej me rastet e dhunës në familje dhe mbajtjes së paautorizuar të armës.
Hetuesit kishin gjetur dyshim të arsyeshëm për keqpërdorim të pozitës ose autoritetit zyrtar dhe falsifikim të dokumentit zyrtar lidhur me zbatimin e urdhrit mbrojtës. Katër zyrtarë—komandanti, një rreshter dhe dy hetues—u identifikuan si të dyshuar dhe për ta u rekomandua suspendimi.
“Duke ju referuar kërkesës suaj IPK ju njofton se në dhjetor të vitit 2022 sipas detyrës zyrtare Inspektorati Policor i Kosovës sipas detyrës zyrtare ka filluar hetim paraprak…”
Prokuroria Themelore në Prishtinë e hodhi poshtë kallëzimin penal ndaj tre zyrtarëve, ndërsa suspendimi i katër policëve u ndërpre në prill 2023. Magashi u vra nga ish-bashkëshorti i saj, Sokol Halili, në nëntor 2022.
