Gjatë vitit 2025, institucionet shëndetësore raportuan 5.564 persona me sëmundje malinje, përfshirë edhe pacientë të diagnostikuar në vitet paraprake, sipas raportit të IKSHPK-së.
Gratë përbënin 51% të rasteve të reja, ndërsa burrat 49%. Grupmosha mbi 60 vjeç ishte më e prekura. Kanceri i organeve tretëse ishte më i shpeshti sipas llojit.
Te gratë, më të shpeshta ishin tumoret e gjirit dhe të organeve gjenitale femërore. Te burrat, raporti rendit tumoret e lëkurës, mushkërive dhe prostatës.
“Besojmë se ky publikim do të shërbej si informacion dhe motivim për ata të cilët nuk raportuan si duhet”
Prishtina kishte 652 raste të reja, Peja 259, Gjakova dhe Prizreni nga 236, Ferizaj 209, Mitrovica 188, Podujeva 172 dhe Vushtrria 169. Të dhënat u mblodhën nga institucionet shëndetësore publike dhe private përmes Regjistrit Popullativ të Sëmundjeve Malinje. Raporti thotë se të gjitha të dhënat nuk ishin raportuar si duhet.
