Pas miratimit të Projektbuxhetit për vitin 2027, deputetja e LDK-së Hykmete Bajrami kritikoi paraqitjen e rritjes nominale të buxhetit dhe Bruto Produktit Vendor si tregues të mirëqenies.
«Rritja e buxhetit dhe e Bruto Produktit Vendor në terma nominalë nuk e tregojnë realitetin ekonomik. Sot, mund të marrim më shumë euro, por blejmë shumë më pak se në vitin 2021», shkroi Bajrami. Ajo pretendoi se çmimet janë rritur rreth 34 për qind që nga viti 2021.
Bajrami tha gjithashtu se rreth 250 mijë qytetarë e kanë lëshuar Kosovën gjatë kësaj periudhe. Për këto shifra nuk u paraqitën të dhëna statistikore ose metodologji.
“Rritja e buxhetit dhe e Bruto Produktit Vendor në terma nominalë nuk e tregojnë realitetin ekonomik. Sot, mund të marrim më shumë euro, por blejmë shumë më pak se në vitin 2021.”
Qeveria miratoi të hënën projektbuxhetin prej 4,27 miliardë eurosh, i cili u procedua për shqyrtim në Kuvend. Ai parasheh pagë të 13-të për punonjësit publikë dhe rritje të koeficientit të pagave nga 110 në 120 euro nga 1 korriku 2027.
