Kryeministri i Shqipërisë Edi Rama u takua të martën, 3 nëntor, me sekretarin e përgjithshëm të NATO-s, Mark Rutte, në selinë e Aleancës në Bruksel.
Në një postim në X, Rutte tha se biseduan për investimet në mbrojtje, situatën në Ballkanin Perëndimor dhe mbështetjen e aleatëve për Ukrainën. «Kënaqësi të mirëpres sot në selinë e NATO-s kryeministrin e Shqipërisë. Zhvilluam një diskutim të mirë për investimet në mbrojtje, situatën në Ballkanin Perëndimor dhe mbështetjen e Aleatëve për Ukrainën», shkroi ai.
Rama shkroi në Facebook se Rutte kishte shprehur vlerësime për ecurinë e sektorit të mbrojtjes në Shqipëri dhe për përmbushjen e detyrimeve të vendit ndaj NATO-s. «Kënaqësi për fjalët vlerësuese dhe inkurajuese për ecurinë e sektorit të mbrojtjes në Shqipëri, si edhe seriozitetin e Shqipërisë në përmbushjen e detyrimeve të NATO-s», shkroi kryeministri.
“Patëm një bisedë të mirë për investimet në mbrojtje, për situatën në Ballkanin Perëndimor dhe për mbështetjet e Aleatëve ndaj Ukrainës”
