Grupi punues për hartimin e strategjisë së Kosovës në Apel të Dhomave të Specializuara ka mbajtur takimet e para, tha kryetarja e Kuvendit, Albulena Haxhiu, në një intervistë në RTK Prime më 2 nëntor.
Haxhiu tha se grupi kryesohet nga Glauk Konjufca dhe përbëhet nga përfaqësues të institucioneve dhe grupeve parlamentare. Ajo nuk dha hollësi për pjesëmarrësit në takime, datat e tyre apo afatin për hartimin e strategjisë.
«Tashmë janë mbajtur takimet e këtij grupi punues», tha Haxhiu.
“Tashmë janë mbajtur takimet e këtij grupi punues.”
Sipas saj, strategjia synon t’u ofrojë mbështetje ekipeve mbrojtëse për çfarëdo kërkese ose nevoje. Haxhiu tha se qëllimi nuk është pengimi i drejtësisë.
Procesi është konfidencial, tha ajo, duke shtuar se Kuvendi do t’i adresojë kërkesat që paraqet grupi punues. Haxhiu e quajti të paarsyeshme ngutjen për të proceduar një ligj të ndjeshëm pa konsultime paraprake.
