Ish-kryeprokurori i Prokurorisë së Apelit, Haxhi Dërguti, është dënuar me një vit burgim me kusht për veprën penale «Moslajmërimi i veprave penale apo kryerësve të tyre». Informacioni për dënimin u bë i ditur të hënën, 9 nëntor.
Nuk është bërë e ditur cila gjykatë e ka shqiptuar dënimin dhe nëse vendimi është i formës së prerë.
Sipas akuzës, Dërguti ishte në dijeni që nga tetori i vitit 2021 për veprimet e dyshuara të bashkakuzuarve, por nuk e njoftoi rastin te organet kompetente.
Sipas aktakuzës, Morina dhe Fandaj dyshohet se i kërkuan Dakajt 300 mijë euro në nëntor 2019, me premtimin se do të ndikonin te gjykatësi Latif Xhemajli për një lëndë përmbarimore. Dosja e akuzës pretendon se më 24 nëntor 2019, në parkingun e një restoranti në Prishtinë, Dakaj i dha Morinës 150 mijë euro.
Lënda përmbarimore lidhej me EXCOM Sh.P.K., si debitore, dhe ndërmarrjen Çlirimi, në pronësi të Dakajt, si kreditore.
