Katër nxënës të shkollës “Naim Frashëri” nga Durrësi u liruan pasi dolën para gjykatës në Kotor, pas rreth 24 orësh në ambientet e policisë malazeze.
Ambasadorja e Shqipërisë në Mal të Zi, Zhaklina Peto, tha se policia i ndaloi nxënësit pas denoncimit të një shtetaseje vendase. Ata ishin në ekskursion kur ndodhi incidenti.
«Shtetasja malazeze i kishte denoncuar, për këtë arsye policia i ndaloi», tha Peto.
“Shtetasja malazeze i kishte denoncuar, për këtë arsye policia i ndaloi.”
Ajo tha se nxënësit patën përkthyes, psikolog dhe avokat gjatë qëndrimit në polici. Një përfaqësuese e ambasadës shkoi në Kotor dhe qëndroi në komisariat deri në mëngjes, sipas ambasadores.
«Gjatë komunikimit me nxënësit, ata nuk raportuan probleme me trajtimin në polici», tha Peto. Ambasada shqiptare kishte njoftuar se po e ndiqte rastin dhe kishte falënderuar autoritetet malazeze për bashkëpunimin.
Peto tha se gruaja i kishte sulmuar nxënësit e para, pasi i dëgjoi duke folur shqip. Nisja e incidentit mbetet pa konfirmim zyrtar. Po ashtu, nuk është bërë e ditur zyrtarisht se për çfarë shkeljeje ligjore u mbajt secili nxënës.
