Në dëshminë e përfshirë në aktakuzë, një dëshmitare e Prokurorisë tha se pa Andon Jasharin ta qëllonte Diana Kastratin dy herë në kokë në Prishtinë, më 18 maj 2011.
«Kam vërejtur kur ai personi nga beli ka nxjerrë revolen me ngjyrë të zezë dhe me të njëjtën e ka gjuajtur tani të ndjerën Diana në kokë dy herë», tha V.R., dëshmitare e propozuar nga Prokuroria. Ajo deklaroi se personi u largua në drejtim të rrugës së Tregut.
Prokuroria Themelore në Prishtinë e ngriti aktakuzën më 30 nëntor 2023. Jashari ngarkohet për «Vrasje e rëndë» dhe «Mbajtja në pronësi, kontroll ose posedim të paautorizuar të armëve».
“kam vërejtur kur ai personi nga beli ka nxjerrë revolen me ngjyrë të zezë dhe me të njëjtën e ka gjuajtur tani të ndjerën Diana në kokë dy herë”
Sipas aktakuzës, ngjarja ndodhi rreth orës 10:30 në udhëkryqin e rrugëve «Haxhi Zeka» dhe «Xheladin Kurbaliu». Dokumenti pretendon se Diana ishte larguar nga shtëpia ku jetonte me Jasharin dhe se ajo dhe babai i saj, Gëzim Kastrati, kishin kërkuar urdhër mbrojtës.
Dëshmia dhe pretendimet e aktakuzës nuk përbëjnë konstatim gjyqësor për fajësinë e Jasharit.
