Avokati i Popullit Naim Qelaj njoftoi më 30 tetor 2026 se ka nisur hetim sipas detyrës zyrtare për vrasjen e fundit të një gruaje në Pejë, në kontekstin e dhunës në familje.
Qelaj e bëri njoftimin në Komisionin Parlamentar për të Drejtat e Njeriut, Barazi Gjinore dhe Peticione, ku paraqiti raportet e punës për vitet 2023, 2024 dhe 2025.
Sipas Avokatit të Popullit, raportet për vrasjet e dy grave, të nxjerra më 2021 dhe 2022, evidentuan dështime të shtetit në përmbushjen e obligimeve për mbrojtjen e tyre. Mangësitë përfshinin mosmarrjen e masave adekuate e proporcionale dhe vlerësimin e rrezikut.
“Kosova ka nevojë për një diskutim në nivel nacional për të vendosur barazinë gjinore, dhunën ndaj grave dhe dhunën në familje si interes nacional dhe jo të diskutohet vetëm në nivel të rasteve të izoluara. Për këtë besoj jemi vonë, por më mirë të fillojmë tash”
«Kosova ka nevojë për një diskutim në nivel nacional për të vendosur barazinë gjinore, dhunën ndaj grave dhe dhunën në familje si interes nacional dhe jo të diskutohet vetëm në nivel të rasteve të izoluara. Për këtë besoj jemi vonë, por më mirë të fillojmë tash», tha Qelaj.
Rekomandimet ishin pjesë e raportit vjetor të Avokatit të Popullit për vitin 2022, të cilin Kuvendi i Kosovës e rrëzoi me votë kundër më 2024, sipas institucionit.
