Anita Nikaj paraqiti kallëzim penal në Policinë e Kosovës për kërcënime të vazhdueshme ndaj saj, njoftuan më 3 nëntor Asociacioni i Gazetarëve të Kosovës (AGK) dhe Rrjeti i Grave Gazetare të Kosovës (RrGGK).
Nikaj u paraqit në Polici së bashku me drejtoreshën ekzekutive të AGK-së, Getoarbë Mulliqi, dhe juristin Yll Zekaj për ta dorëzuar kallëzimin. Njoftimet e dy organizatave nuk bëjnë të ditur se kush dyshohet se i ka bërë kërcënimet ose në çfarë forme janë bërë.
AGK-ja dhe RrGGK-ja u kërkuan institucioneve përgjegjëse që ta trajtojnë rastin me seriozitet e urgjencë dhe të identifikojnë personat përgjegjës. «AGK dhe RrGGK presin që institucionet përgjegjëse ta trajtojnë rastin me seriozitet dhe urgjencë», thanë organizatat.
“Linjimi publik, fushatat denigruese dhe kërcënimet nuk duhet të normalizohen”
Ato thanë gjithashtu se «linçimi publik, fushatat denigruese dhe kërcënimet nuk duhet të normalizohen».
