Qeveria e vlerëson në rreth 43,8 milionë euro humbjen nga Plani i Rritjes, por Komisioni Evropian ende nuk e ka publikuar vlerësimin e vet.
Kryenegociatori i Kosovës për BE-në dhe koordinatori kombëtar për Planin e Rritjes, Jeton Zulfaj, foli për këtë më 2 nëntor në Komisionin për Integrim Evropian. Ai tha se nga 13 hapa me afat deri në qershor 2026, Kosova zbatoi 7 dhe nuk i zbatoi 6.
«Nga 13 hapa në periudhën shtesë, deri në qershor 2026, zbatuam shtatë dhe gjashtë jo», tha Zulfaj. Sipas tij, shumica e reformave të papërmbushura kërkonin miratimin e Kuvendit.
“Nga 13 hapa në periudhën shtesë, deri në qershor 2026, zbatuam shtatë dhe gjashtë jo.”
Në mesin e masave të parealizuara ai përmendi Ligjin për energjinë, Ligjin për falimentimin, pakon ligjore për drejtësinë dhe strategjinë kundër krimit të organizuar. Shuma përfundimtare mbetet pa konfirmim zyrtar dhe vlerësimi i BE-së mund ta ndryshojë atë.
Kosova ka edhe 22 hapa reformues, me vlerë 131,5 milionë euro, që duhet të përmbushen deri më 31 dhjetor 2026. Plani për Kosovën arrin gjithsej 882,6 milionë euro dhe lidhet me 111 hapa reformues.
